27.01.2022
Беларускамоўны дзень ў ДУА "Яслі-сад №5 г. Ганцавічы"
Давайце гуляць разам
Гульня для дзіцяці - гэта захапляючы занятак, які прыносіць шмат радасці і задавальнення. У ёй спалучаюцца два надзвычай важныя фактары: з аднаго боку, дзеці ўключаюцца ў практычную дзейнасць, развіваюцца фізічна, прывыкаюць самастойна дзейнічаць, прымаць рашэнні; з другога – яны атрымліваюць маральнае і эстэтычнае задавальненне. Апрача таго, ёсць народныя гульні, якія знаёмяць дзяцей з бытам,навакольным асяроддзем і культурай беларускага народа. Усё гэта, разам узятае, спрыяе выхаванню ўсебакова развітой асобы дашкольніка.
Дзеці звычайна спаборнічаюць у гульні, а жаданне стаць пераможцам мабілізуе думку, маўленчыя навыкі і ўменні ўдзельнікаў гульні. Таму выхавальнікі ў дзіцячым садзе асабліва звяртаюць ўвагу на багатыя магчымасці гульні ў вывучэнні мовы. У гульні дзеці вучацца мове радасна.
Выхаваўчы эффект гульні залежыць ад атмасферы, якую стварае педагог, ад яго актыўнага ўдзелу ў гульні, ад яго эмацыянальнасці.
27 студзеня Валянціна Канстанцінаўна Глушко, выхавальнік дашкольнай адукацыі, разам з выхаванцамі другой малодшай групы, гулялі ў беларускія народныя гульні такія, як:
- “Надзейка”: практыкуе дзяцей ва ўменні ўзгадняць рухі са словамі, развівае пачуццё сяброўства, выхоўвае калектывізм.
- “ Адгадай, чый галасок”: развівае ўвагу на слых і памяць.
- “ Шэры кот”: удасканальвае навыкі хадзьбы і бегу ў калоне; выхоўвае смеласць, спрыт, хуткасць рэакцыі.
- “ Міхасік”: садзейнічае развіццю хуткасці і спрытнасці.
- “Прэла-гарэла”: вучыць рухацца адзін за адным па спіралі; выхоўвае дысцыплінаванасць, арганізаваныя дзеянні дзяцей у калектыве і іншыя.
Як правіла, беларускія народныя гульні – рухавыя. Яны вызначаюцца багаццем разнастайных уздзеянняў на арганізм дзяцей. Фарміруюць у іх неабходныя фізічныя навыкі. Адны з гульняў маюць пэўныя традыцыйныя нормы і слоўнае афармленне, што ператварае іх у своеасаблівыя драматызаваныя дзеянні. У другіх строга размяркоўваюцца ролі ўсіх удзельнікаў, слова ў іх з’яўляецца сігналам да нейкага дзеяння.
Выхаваўчы эффект гульні залежыць ад атмасферы, якую стварае педагог, ад яго актыўнага ўдзелу ў гульні, ад яго эмацыянальнасці.
Прыходзьце, калі ласка, ў наш дзіцячы сад і будзем гуляць разам у беларускія народныя гульні. Вы атрымаеце шмат станоўчых эмоцый і незабываемых момантаў.
